2010年11月21日 星期日



18-11-2010  
呢一日我終於都畢業啦
但係老實講啦 真係好唔捨得
以前細個果時就一住想長大
但係依家大個左啦 反而又想返番去細個果時
人 , 往往就係咁矛盾。

講番畢業典禮呢一日
由一早起身 個心情就好壓抑
去到學校大家都好HIGH 但係我就一住選擇沉默
一個人坐喺度睇書 好努力咁忍住唔咁
之後我多年黎既知己 - 嘉巧同嘉琪黎搵我影相
影到一半就忍唔住喊左出黎
一睇到佢哋 我就會諗番以前我哋四個一起果時既回憶
佢哋都嚇到左啦 黃小姐仲一住講d笑話黎安慰我
我知佢咁系想安慰我 多謝妳 我11年既好姊妹  

之後坐番低 個情緒都係穩定唔落黎
朋友仔都話我對眼好濕好紅 阿GAI望過黎我又想喊
唔好睇我平時好似大剌剌咁 其實我私底下好容易喊
就算系一件好小既事我都會喊到好淒涼 -___-
呢d可唔可以算系感情豐富 ?!
而且我竟然系我哋班頭一個喊 也都係唯一一個



果日同左好多人合照
當然我都有同我d理想型合照啦
最興奮既就係 我終於都同到我個DREAM BOY合照 !!!!!!!!!!!
依家諗到當時個情形 自己都會偷笑
不過有d後悔 因為MY佢哋本來系叫我同佢合照姐
點知我竟然臨時怕醜 叫MY同Vivian陪我
結果兩個既合照變左四個 -___-
仲記得我哋行過去問佢得唔得合照
佢反而問番我哋系唔係要佢幫我哋影相
果樣好傻 但係我就覺得好得意
知道我哋既目的之後 唔單止佢 連佢班朋友個個都嚇到
佢應該誓估唔到佢竟然會有個NOONA級既飯厚 ?
影相果時果三位小姐一住叫我企佢旁邊
頂 我當時好緊張又尷尬 打死我都唔會企佢旁邊啦系嘛
我整系記得我拉Vivian企佢旁邊
點知要影果時 Vivian臨時旁過去MY果度
結果最尾都係我企佢旁邊啦
當時真係覺得我同佢個距離好近
我個心跳好快 連忘佢都唔敢
影完之後佢班朋友竟然喺度起哄
害到我急急腳同佢講聲多謝就走人 我仲緊張到向佢鞠躬
但係點知之後睇番張相我同佢好疏遠 (囧)
不過好彩得我同佢兩個有背書包姐 呢個都算系個共同點啦
我承認我係喺度自欺欺人 8D
放學之後趕去肯德基慶祝果時
喺的士入邊一住忘住果張相 一住呵呵呵咁喺度笑
忘記左系邊個啦 話我同佢好襯喎 KEKEKE
 呢d就係所謂既 - 美麗的謊言

# 終於都亲手將份禮物交到佢手上
生日快樂

--

#Now Playing
니가 제일 좋아(I Like You The Best) - 비스트(BEAST)