我真係好耐冇更新呢個空間左
唔係懶打網誌 就係冇時間
認真咁計下 好似已經有一個禮拜冇上網左
因為網絡有d問題 上番網既感覺真係唔錯
我諗呢幾日要重新佈置過呢度先至得
想換下個FEEL 唔知點解每次入到黎都好DOWN

嗯 同埋最近我特別鍾意聽阿珍唱英文同韓文d經典老歌
每次聽佢唱抒情歌果時 我都會忍唔住想喊
因為佢把聲真係好特別 我唔知點去形容
就系果種會勾起你無數段回憶既一把聲 真係好溫暖

不如講番最近d生活啦
呢排喺學校d日子我都過好開心
好彩每日都有我個同座聽我講嘢 配合我搞笑 教我讀書
雖然唔知咁既日子仲可以維持到幾耐
但係我真係覺得好感恩 MY真係唔該曬妳

呢排每到週末果時
我一個人喺房間度聽歌睇書果時就會突然間變到好低落
上次仲忍唔住喊 我都唔知點解
淨系覺得成個人變得好無助 好想搵人借下個博頭俾我大喊
可能係我情緒一時控制唔到姐



你是世界上擁有最漂亮笑容的男子。

--

#Now Playing
Forevermore - SHINee 溫流(온유) SOLO