我好似好耐沒更新網誌左.
唉 呢幾日我諗左好多好多嘢
而且呢排真係發生太多事 我一時接受唔到
依家我可唔可以算係有家歸不得勒 ?
妳成日問我同樣既問題 妳究竟想我點答妳 ?
我唔咁答妳既話 就算妳知我點諗 妳都係改變唔到事實架
其實有好多事收埋喺個心入邊真係好辛苦
想講出黎俾人哋聽 但係我唔講得囖
連身邊最信得過既人都唔講得 !!!!!
就因為好多嘢想講又唔講得
變左成日喺FB同TWITTER寫每一句之前都要左諗右諗
咁既人生有乜意義姐 ?!
我都好想大喊一場啦 但係我唔想人哋睇到又來問我發生乜嘢事
好煩架你知唔知 有d事我無想解釋俾d人聽
其實每次發生事 我第一個想揾既人系妳.
我好想同妳講 但另一邊我又好驚妳為我煩
依家有好多嘢都已經變曬
有好多人我都覺得同妳哋既距離愈來愈遠
其實 有好時候我都覺得我自己好虛偽
成日對住人哋笑又點 ?
我始終唔覺得自己有幾開心囖
本來諗住終於揾到可以令我微笑既動力
就係呢班我一直深愛住既男人
點知依家佢哋都搞成咁 我真係好心痛
我唔想佢哋唔開心 我唔想佢哋分開
但係似乎事實話俾我聽
呢個世界上沒任何一樣嘢系永恆架
我真係真係好唔開心
我揾唔到可以抒發我情緒既空間
我好想好想暫時離開呢度
我想去個可以令我可以放鬆落黎既地方。

--

#Now Playing
いつだって君に(With You Always) - JYJ / 동방신기(東方神起)